一向是日劇迷的徐淑敏（Suki），讀中一時已喜歡追看日劇，令她印象最深的是由金城武和深田恭子主演的《神啊！請多給我一點時間》。故事講述由深田恭子飾演的援交少女與音樂製作人金城武相戀，後恭子發現自己已懷有身孕兼染上愛滋病，最後走上不歸路，Suki說：「呢部係深田恭子成名之作，當時好hit，唔睇好似好out。其實細個唔識咩叫愛滋病，但就覺得好多場面都好感人，尤其係恭子寧願冒生命危險都要將個ＢＢ生落嚟，而最後一場恭子着住婚紗同金城武行入禮堂，最後死喺佢懷中，真係喊到收唔到聲。」

劇中的恭子因受物質引誘而去做援交，Suki認為時下青年應引以為鑑，她說：「做援交嘅女仔要同啲陌生、唔愛嘅男人發生關係，真係好惋惜。我哋以前比較單純，但最近睇好多報道都會講啲妹妹仔因要搵快錢去做援交，估唔到呢個歪風十年後會吹到嚟香港，希望啲妹妹仔要自我警惕，唔好行差踏錯。」