絲絲講場:小米旗艦店「萬物互聯」?

小米集團(01810)董事長雷軍一直標榜集團唔係硬件製造商,而係一家互聯網生態公司,近年仲好熱衷開實體店,喺一七年曾經豪言喺三年內,小米之家店舖數量要增至1,000間。日前集團喺西安開設咗內地第5間旗艦店,一眾「米粉」又知唔知普通小米之家同旗艦店有咩唔同呢?

米粉任玩智能產品

話說小米旗艦店普遍面積超過500平方米,比一般分店只有100至200平方米,擁有更多空間擺放產品畀顧客體驗,展示產品種類達400至500款。

近年集團大力發展物聯網業務,旗艦店亦有擺唔少智能家居產品。要知道小米好多智能家居產品都可以用語音聯網操作,「米粉」行入旗艦店,可以用電視控制吸塵機,或者叫喇叭開燈,試吓「萬物互聯」!

余絲韻