絲絲講場：本間高爾夫搵當紅球手代言
高爾夫品牌本間高爾夫（06858）舊年九月時，董事長兼首席執行官劉建國透露請咗位世界級選手做代言人，當時賣關子唔肯講係邊個。最近終於開估，原來係全球排名第二嘅英國職業高爾夫球手Justin Rose。
38歲嘅Justin Rose來頭好猛，一六年拎咗巴西里約奧運金牌，仲係舊年聯邦快遞盃得主。公司話，藉住Rose喺亞洲與國際高爾夫球壇嘅影響力，呢次合作可以提升公司品牌Honma喺北美同歐洲等成熟市場嘅形象及知名度。
連串行動拓海外市場
睇番過去一年，佢哋公司搞作多多，冠名贊助十一月舉行咗嘅香港高爾夫球公開賽，又喺日本東京舉辦服飾展示及訂購會，仲請咗Adidas前北美總裁Mark King加入公司等。睇嚟劉總拓展海外市場嘅決心都好大。
余絲韻