絲絲講場：巴國央行行長訪京潮玩手機支付

街市九成檔口有QR Code

佢呢次係孖住內地支付商高層，一齊到訪北京三源里街市，見識吓內地電子支付發展到底有幾咁犀利！唔講唔知，原來呢個街市已經有九成以上嘅檔口，設有手機支付程式嘅收款二維碼（QR Code），就算只係買幾蚊雞嘅菜，都可以直接用手機畀錢。

聽講Bajwa行到一個賣乾果嘅雜貨檔時，睇中咗袋33蚊人仔嘅提子乾，仲當場潮玩手機埋單，即場體驗電子支付嘅威力。

不過，話時話，香港雖然已經推行電子支付一段時間，但覆蓋網絡仍然未夠全面，唔知道絲絲幾時先可以拎住部手機，都可以隨時篤魚蛋呢？

余絲韻