尋日恒指最多曾跌近千點，無論係睇長線定短炒，怕且個心都離一離，送以下專家教三招應對股市大波動，睇吓邊招啱你。
股神巴菲特講過，大冧市時最好係乜都唔做。大冧市時先又買又賣，通常都唔會有好結果，賣咗升番又唔忿氣，買咗再跌仲驚，倒不如暫時遠離個市。
好多人指着眼「股市未跌完」，忘記股市長遠會不斷創新高。所以唔好只諗住拋售，可趁跌市換貨令投資組合更多樣化。
即使股市歷史上曾狂插90%，但未試過就咁玩完。根據番First Trust Advisors數據顯示，熊市通常比較短暫，平均得1.4年，牛市則平均長達9年，所以投資者不妨樂觀睇長遠少少。
余絲韻