絲絲講場：即食麵係中產階級升降指標
食幾多即食麵原來係中產指標！成員包括全球主要即食麵生產商嘅組織世界方便麵協會（WINA）嘅統計數據顯示，去年內地及香港總共消費咗385.2億個即食麵，比起二○一三年嘅462.2億個，三年之內足足少咗77億個。
農民減出城損需求
有分析指出，主要原因係內地中產階級冒起，減少咗對即食麵等廉價食品嘅需求；另外就係，近年農村崛起，少咗人出城打工，而內地最大嘅即食麵客群係民工，當民工少咗，對即食麵嘅需求自然會大幅減少。
二○一○至去年期間，由農村遷往城市嘅人口增長幅度逐年減少，由5.2%跌至僅0.5%，在一五年更出現三十年以來首次負數，反映有民工由城市搬回農村，事關過去七年農村人口嘅每年淨收入增長已經高於城市，農村機會增多，唔使靠出城打工。
余絲韻