新世代供略：女生留守沙田有樓揀

今期「新世代供略」的主角嵐嵐，直言樓價再高都「不知怎算」，對置業好徬徨。嵐嵐無得「靠父幹」上車，如要選擇啱Budget的屋苑，留守沙田區可考慮遠離市中心範圍的居屋豐盛苑，屋苑靜中帶旺，自由市場叫價420萬元有貨揀，在沙田區算是較易負擔的。

嵐嵐是大學三年級的準社工，眼見樓價愈升愈高，她直言，「情況真的不知怎算！如果可以住沙田、紅磡近市區的地方會好些，不過知道樓價會更貴，惟有量力而為。」

嵐嵐又指出，「自己無家人幫手畀首期，其他人有幫手係佢哋好彩，希望自己都可以上到車。」

按照嵐嵐的揀樓要求，留守沙田未必無得揀。雖然，沙田市中心樓價不斷破頂，要搵啱Budget的上車盤確實不是易事，但區內的居屋，特別是二、三線級別的還算較易負擔。當中，鄰近馬鐵車公廟站的豐盛苑更是不俗之選。

豐盛苑由三座物業組成，樓齡已超過三十年，屬Y型舊式居屋設計，氣派當然有別於私人屋苑；惟內涵取勝，採和諧式設計，可以自由間隔，最細有約381方呎，間隔闊落，無窗台位，多窗光猛，甚為通爽。加上屋苑坐落小半山之上，部分單位可享開揚獅子山及遠眺城門河景致，景觀優越。

豐盛苑配套欠奉，是其輸蝕之處。然而，步行到馬鐵車公廟站需約十分鐘，如想搭巴士，亦可到鄰近的秦石邨或新田圍邨。同時，幸好該兩大屋邨有齊商場、街市、遊樂場等配套，豐盛苑居民日常生活也算便利。

中原分區經理杜文俊表示，豐盛苑樓齡已高，普遍二手成交以自由市場為主，上車客居多，去年全年錄約15宗二手成交，平均每月可錄1至2宗。市場現有三個放賣盤，交吉戶自由市場入場費約420萬元起，較進取叫價可至460萬元水平。