絲絲講場:研究:人高人工亦高

絲絲一向相信靠自己改變命運,不過有啲嘢真係天注定,原來身形愈高嘅人賺錢愈多!

差半呎多賺130萬

有外國研究發現,身高6呎嘅人,以整個職場生涯三十年計,比5.5呎高嘅賺多約130萬港元!單一研究太片面?又有研究話「高人」嘅生活幸福感亦高啲。

仲唔信?再有一個對印尼5,300多名男性嘅七年研究發現,「高人」工作效率高啲,仲有就係,當推銷同一款產品時,顧客較鍾意向「高人」買,於是「高人」職場發展好啲,收入亦高人一等。

唔公平?咁都未算,呢個只係上集,明日仲有下集!

余絲韻