絲絲講場:馬雲:假貨好過真品

「今時今日假貨質素比真品好、價錢更便宜」,講呢啲嗰位,係阿里巴巴主席馬雲。

佢尋日喺投資者會議上咁講,佢仲話依家做生意嘅方法已改變,話問題唔在於假貨,而係新嘅商業模式……

阿里揚言齊抗假貨

即係點?可能唔止絲絲,仲有好多人都聽唔明。於是佢哋之後向傳媒解釋,話馬雲其實係講「如今OEM產品質量正在提升,甚至不比正品差,同時價格更優惠……」總之講到尾,就係阿里會「共同對抗假貨」咁咁咁。

絲絲剛剛醒起,馬雲啱啱喺智慧物流峰會上,話要諗吓點樣將人同物資送上火星。咁火星見啦。

余絲韻