美國人口統計局早排推算咗二○五○年時中國人口年齡層與男女分布，有你最想知（或最唔想知）嘅將來同機遇。
34年後，中國人口當中最多係80歲以上婆婆，多依家三倍幾。依家賺女人錢就係甚麼包包同化妝品，到時通街婆婆最大需求唔知變成乜？
理論上婆婆最啱配伯伯，可惜34年後伯伯唔夠供應。差不多兩個婆婆先至得一個伯伯。依家已經覺得啲廣場舞大媽好強勢？試想像吓，將來佢哋更人多勢眾……
將來，15至19歲妹妹係稀有動物，內地一街係大媽。
到時男人想追女仔想娶老婆，要爭崩頭。事關由15歲去到35歲，都係女少男多。
做緊中女嗰班，恭喜晒，事關你哋好長命，34年後會佔中國人口最多，將來係妳哋母儀天下。要諗定生意搞乜！
15至59歲嗰批勞動人口到時大縮水，少過退休人口好多，即係中國經濟唔夠勞動力撐住，咁多婆婆伯伯邊個養？
余絲韻