近期建行（00939）有啲人事變動，行長張建國一職由保監前副主任王祖繼接任，委任已經通過董事會，但就未拎到銀監批准。
不過候任行長王祖繼已經急不及待出嚟見人，趁股東大會首度登場，仲派新卡片畀傳媒朋友，佢派嘅時候都怕醜補充句：「係有啲唔啱規矩。」
不過，內地行長唔易做，大部分都跟從政府政策減咗人工，同其他國際金融機構嘅人工差一大截。
建行董事長王洪章話，佢地副行長以上嘅都減晒人工，但就笑笑口表示佢自己減完都仲高過之前喺人行做，行長王袓繼喺建行嘅人工都高過之前喺保監會做。
余絲韻