最近一個月嘅股市備受熱議，唔少人更稱之為股市大時代，據稱有人賣咗層樓瞓身到股市，我就唔夠膽咁做喇！都係睇人哋玩股好，好似倉持由香就係玩股達人，最叻利用佢39吋超級巨股誘惑男人，絕對係日本水着界嘅「股」壇達人。
小弟向來對於投機冇乜興趣，一來天資不高，二來怕辛辛苦苦賺嚟嘅錢輸晒，故大家問我咩係藍籌股、紅籌股我就答你唔到，之但係我就知道邊度有重磅「股」，日本水着界嘅人氣女優倉持由香就係喇。倉持由香現時二十有三，雖然個樣唔算好靚，雙眼有少少似死魚，而且仲有一對兜風耳，但好在由香識得打扮，留住一頭清爽短髮，令其面孔添上一點開朗同活潑感覺，加上兩片厚唇鮮紅飽滿，增加幾分誘惑嬌媚及姣味。可能有人覺得阿妹個樣唔討好，但係我可以喺度讚阿妹身材超好。由香身高5呎6吋，腰幼腿長，上圍只屬微乳型，之不過由香胴體嘅生長卻集中於臀部，一個接近40吋嘅巨躉成為吸盡男人目光嘅地方！
倉持由香家陣以呢個引以為傲嘅巨躉為寫真作品嘅大賣點，喺博客同微博上載自拍巨躉照同網友分享，將一股性感照熱潮帶到水着界，因此有「尻職人」嘅稱號，意思係指佢將影屁股當係一項職業，又因由香嘅博客咁多靚相睇，追蹤者人數短時間內急升到三萬多，認真威威。其實由香初踏水着界嘅時候，試過為呢個巨躉而怕醜，曾虛報坐圍只有34吋，後來一次拍攝寫真照期間，攝影師大讚佢個股又大又靚，且自問只靠微乳上圍未能夠成功上位，於是決定將巨躉變成賣點。由此仲為佢帶來好多趣事，其中一個來自拍寫真。由香着起正常尺碼泳褲時候，郁得兩郁就會陷入股溝，變到好似T-Back一樣，成日被攝影師要求佢拉番好條泳褲，而由香就笑言自己擁有全自動T-Back功能。
倉持由香嘅博客絕對係廣大男士最佳嘅免費視覺娛樂好去處，因為幾乎每日都會自拍性感照上載到博客，上網上到雙眼疲勞的話Click上去即有養眼功效。
網址：http://ameblo.jp/yuka-kuramoti/
年齡：23歲
身高：5呎6吋
三圍：34-24-39
撰文：賢