富智康（02038）為小米、華為、南韓三星等N咁多個品牌生產手機，富智康主席童文欣（Vincent）夠晒周全，佢去見客次次都帶唔同嘅手機，事關「啲客會鍾意見到你用佢哋嘅手機嘛」。學嘢學嘢。
見唔同客帶唔同手機？一日若然約多幾個客見面，咁咪成個公事包都係電話？Vincent話，每日盡量唔帶多過3部電話出街，佢仲話唔同客人會有佢唔同嘅手機號碼！如果咁啱Vincent冇某部手機喺手，某個客搵唔到佢，咁點？佢話可以搵佢秘書。唔知佢同屋企人聯絡，係用邊隻牌子手機呢？
不過Vincent都會揀客，要貴過五百蚊人仔手機先造。未來有機會幫手生產Apple Watch，佢話生產好緊張，張單「好難唔落喺我哋度」。
余絲韻