絲絲講場:蓋茨冧莊世界首富

《福布斯》雜誌禮拜一美國收市Update後嘅全球億萬富豪排行榜,微軟創辦人蓋茨以811億美元豐厚身家,繼續做世界首富!

股神贏墨首富返第二

至於股神巴菲特,就受惠投資旗艦巴郡A股股價禮拜一收市「破頂」,財富漲到去744億美元,以輕微差距撼贏身家跌落729億美元嘅墨西哥首富斯利姆,登上全球第二富豪寶座!

至於facebook(fb)教主朱克伯格身家則升至337億美元,排第14,繼續拋離中港所有富豪,長和系主席李嘉誠身家跌至300億美元,排17。四叔李兆基、郭炳江及郭炳聯兄弟分別排33同68,喺港產上榜富豪之中僅次超人。

中國上榜四強係阿里巴巴主席馬雲、百度董事長李彥宏、大連萬達董事長王健林同騰訊(00700)主席馬化騰,身家分別231億、165億、148億同144億美元,排29、48、61同66。

余絲韻