不過，筆者對於現價沽澳元真係有少少保留，方向無錯係睇跌，原因大家都已經耳熟能詳，不過始終澳元係少數仲有AAA評級嘅國家，十一月起已見到有央行開始增持其國債作為分散外匯儲備的策略，可能令澳洲債券下跌速度比其他市場慢，令澳洲十年國債同美國十年國債差距進一步收窄，對澳元嘅需求未必太少。
技術上要留意嘅價位亦都幾清楚，分別係0.88、0.85同埋0.80水平，所以現價再大手沽空澳元，筆者就覺得有少少保留。
當然澳元短期內未必升得好多，都係先睇番0.9060同0.9270兩個位先。
GMO CLICK 環球通副總裁 陳健豪