Money Views：新股送銀紙畀股民？

阿里因港交所未就合夥人制度開綠燈而放棄香港IPO計劃，並將轉往美國，反反覆覆走了一大圈，重點其實得一個，就是上市之心昭然若揭。

企業千方百計都要招股上市，無非貪求上市所帶來的各種好處。每一本財務教科書內，起碼可列舉了十多廿項對公司和股東的好處，邢理強無謂在此浪費版位逐一解說，因為多數無太大閱讀價值。

搞上市針無兩頭利

惟值得點出的是，當新股上市成為市場焦點，股民樂此不疲地參與認購之時，請記着公司上市的各種動機中，應無「送錢畀股民」的一項。

借用股壇資深前輩的「厚黑學」睇法，股民能從新股賺到錢，最大原因就是原股東賺得更多，唔介意大家賺些少。若嫌此睇法太負面，就按一般的分析是新股無「蟹貨」，只要大家認定其前景，資金又夠充裕，炒上可謂易過借火，搭轉順風車又何妨。

針無兩頭利，有好就有壞，上市公司股東享受名利的同時，亦要肩負相當責任，邢理強希望同大家分享以下兩則故事。

一個是內地大型電訊設備公司華為，一直唔上市的原因，就是害怕員工在上市後變得太過有錢，失去對工作的熱誠。

另一則就是一個富豪手持多間上市公司，但同時有間規模好大的私人公司，遲遲都唔上市，原因是這間公司好賺錢，每每以低價投資項目，湊大之後才賣項目予上市公司。

邢理強