肖鼠富豪一個都無
今年首次發布嘅胡潤投資富豪榜，淨係計算富豪喺投資領域嘅財富，達到最低上榜門檻50億元（人民幣‧下同）嘅廿二位富豪，總財富高達2,121億元，平均每人96億元，比起今年百富榜總榜嘅平均財富高咗五成咁多。而喺呢22個投資富豪當中，有14個係專業投資人，好似劉永好咁喺主業外兼帶投資仍然佔少數。
胡潤仲特別統計咗上榜富豪嘅生肖，今年屬兔同屬豬嘅人最多，各佔總人數嘅一成六，其他生肖表現亦都大致平均，惟有屬鼠嘅企業家絕迹投資富豪榜。有屬鼠嘅內地網民即時喺微博留言，話呢個簡直係尋日令人絕望嘅新聞，希望胡潤下次最好可以統計埋星座，等自己有機會靠星座突圍喎。