絲絲講場：中移賣iPhone海報似層層

網站Unwiredview.com尋日放咗一張海報出嚟，有晒公司Logo，仲大字寫明「移動蘋果來了」，莫非雙方合作已經成事？

網上流傳真嘅一樣

點解呢張海報咁受市場重視？皆因海報上面分別有中移同Apple嘅Logo，仲大字寫明「移動蘋果來了」，似乎暗示雙方已經傾好iPhone嘅經銷協議。海報更加形容中移嘅iPhone將會係「國內最強」，因為可以支援3G同4G兩種網絡。

絲絲問過中移嘅發言人，佢話Apple同中移嘅合作談判進行中，依家冇嘢可以披露。

有分析師認為，中移擁有超過7億用戶，係全球最大嘅無線營運商，如果Apple同中移合作將會對iPhone嘅業務好有幫助。

庫克去紐約望有宣布

倒返轉中移都好想搞掂個合作計劃，對股價嘅幫助會好大。

聽聞Apple CEO庫克下星期會去紐約，同活躍投資者Carl Icahn會面，業界認為呢次會面主要係傾Apple回購股票嘅行動，而相信投資者就期望庫克會宣布同中移嘅合作。

余詩韻