絲絲講場:胡潤慈善榜 曹德旺家族No.1

胡潤研究院發布《2012胡潤慈善榜》,內地汽車玻璃大王曹德旺家族以36.4億元嘅捐贈額蟬聯第一位,許家印以7.5億元嘅捐贈,首次打入十大,位列第二。胡潤話,今年有好多有趣嘅發現,原來房地產老闆上榜人數最多,有51人,比例比百富榜上房地產富豪多出1倍多。

今次已經係胡潤刊發嘅第九份《慈善榜》,過去一年企業家捐畀母校最多,特別係因為,今次慈善榜係5‧12地震後,首次未有大災難嘅一年。100位上榜慈善家共捐贈101億元,平均捐贈額1億元,比去年減少17%,但仍然係胡潤首創《慈善榜》時嘅5倍。排榜首嘅曹德旺家族,喺舊年四月,將持有嘅3億股福耀玻璃股票捐出嚟,以福耀當時嘅市價,呢筆捐贈市值達35.5億元。如果由佢喺八三年第一次捐款至今,曹德旺累計捐款超過50億元。

許家印年捐7.5億居次

至於許家印,佢係恒大地產(03333)老闆,最近一年捐贈7.5億元,排第二。舊年佢捐咗2.45億元畀廣州市政府,用喺支持廣州北部山區建設。

呢個榜仲有啲有趣嘅地方,例如粵商和閩商最慷慨,分別有21人和17人上榜。前十名中閩商最多,有4位。浙商做慈善最保守,百富榜上浙商佔19%,絕對最多,而在慈善榜上比例減少最多,只有9%。IT慈善家只有1位,而百富榜上有5.8%。女企業家做慈善少了一點,有10位上慈善榜,而百富榜上女富豪比例有15.5%。

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!