絲絲講場：少年馬雲單挑彪形大賊

扮偷坑渠蓋測試路人

話說喺好多年前，有幾個彪形大漢喺馬路邊撬「坑渠蓋」，似乎係要偷嚟賣，咁啱有個奀瘦青年見到，就踩住o架單車兜咗幾轉諗住搵人幫手捉賊，點知搵唔到警察，途人又唔敢出手，佢最後單挑班大隻佬，怒喝：「你給我抬回去！」

呢個奀瘦青年就係馬雲喇，但估唔到原來成件事好似「玩嘢王」咁係個局嚟，電視台正做緊測試，睇吓有無人會出手阻止，結果馬雲就係唯一一個肯出手嘅路人。佢事後解釋，話幾日前先見到有報道話小朋友跌落坑渠浸死，所以唔制止唔得，仲話自己出聲嗰陣，其實好驚，仲話隨時踩單車鬆人添。