智能規格領先全球
「四屏策略」代表個人電腦、手機、平板電腦及智能電視嘅產品發展戰略，韓日大廠近年推出同類產品，以至傳聞多多嘅新一代Apple TV，都係朝住呢個目標。聯想推出介乎42至55吋首系列智能電視產品，更係全球首批以1.5Ghz雙核處理器配以Android4.0操作平台嘅智能電視。
聯想董事長楊元慶早前講過，智能電視嘅發展大計，直接關係到集團嘅長遠競爭力。不過聯想管理層亦都講明，智能電視暫時仍屬超前消費，所以現階段目標唔係追求盈利或市佔率，最緊要係令用戶接受產品。
聯想仲話智能電視雖然暫時只作內銷，但喺未來肯定會進軍國際市場，擺明要將聯想嘅「四屏策略」推向全球市場。