絲絲講場：會公新CEO 丁偉銓坐硬

公職經驗豐富

咁邊個有機會做下任CEO？市場盛傳，其中一個熱門係現任會公理事丁偉銓，不過，大家仲要等最後公布才可落實。

其實今次遴選委員會，都有唔少人選可以揀，有啲係被人游說邀請，亦有唔少人本身有興趣。

至於大熱嘅丁偉銓，同會公一向有淵源，佢除咗係現任會公理事外，以前亦曾喺會公任職專業會計師。佢亦經常擔任公職，○七年就獲政府委任為財匯局轄下財務匯報檢討委員團成員。○二年起亦獲國家財政部委任為獨立審計準則外方專家諮詢組成員。

丁偉銓今年51歲，喺會計師界已經有超過25年經驗，現時係國浩(00053)執行董事。