絲絲講場：比亞迪A股升到你唔信

比亞迪A股上市前嘅詢價，投行及基金嘅出手都好低，結果只能以18元（人民幣‧下同）招股，當時大家仲譏笑比亞迪用咁嘅身價「回歸」，直情係「紆尊降貴」。其實A股上半年嘅表現的確幾差，好多散戶都縮手觀望，勢估唔到班「漲停敢死隊」就係捧比亞迪嘅場。

上市4日勁漲83.6%

上市首日比亞迪A股升41%，之後幾日續漲，尋日收報33.05元，4個交易日股價勁升83.6%。王傳福揸住5.7億股比亞迪A股，市值由原來嘅102.58億暴漲至188.38億元。比亞迪A股首日掛牌以外，喺之後3個交易日都大升，公司話根據規例，喺今日開市頭一個鐘要停牌。

另一方面，由於與法國設備租賃總公司（CGL）對業務風險判斷不同，比亞迪宣布終止設立汽車金融合資公司嘅計劃。

余絲韻