愈來愈多內地富豪嚟香港做投資移民，有錢人不斷增加，投行服務呢班人，生意真係唔細。但點樣令service更專業？香港證券專業學會就話有計喎。
學會主席沐義棠話，佢哋成立咗「香港私人財富管理行業勝任能力指引特設委員會」，會員全部都來頭唔細，包括法興私人銀行香港及北亞區行政總裁馮為佳、瑞信董事總經理兼駐香港區域私人銀行主管洪樹堅等。
為配合私人財富管理嘅需求，學會創立有關嘅資格「CIWM （Certified International Wealth Manager）」，目前已喺瑞士及英國等拎到認可。84小時嘅課程，學費係39,000元，再加埋考試費26,000元，要得到呢個資格最少要畀65,000元。
余絲韻