百麗（01880）創辦人兼主席鄧耀，上月底中風入院，由首席執行官盛百椒頂上代理主席之位，免得群龍無首，不過市場依然關心呢個「鞋履王國」會否危機叢生。經驗老練嘅盛百椒當然早有準備，公開話鄧耀正在康復，亦對主席身體狀況深具信心咁話。
盛百椒講得咁樂觀，原來都有啲科學根據，皆因鄧耀嘅母親，八十多歲都試過兩次中風後都能痊愈，所以盛生預料鄧耀會同樣深得其母強健體魄嘅真傳，會好快康復，大家唔使太擔心。佢仲同絲絲講，主席現時主要靠按摩治療，因血酸影響行動，至於康復期，就應該要半年至一年左右。
盛百椒繼續爆料話鄧耀本來已可出院，不過為咗方便按摩師，先留喺醫院休養。佢強調，鄧耀過往參與公司長遠戰略策劃為主，自己則負責公司營運工作，相信主席中風對公司運作影響不大。
余絲韻