唔經唔覺，港交所（00388）已上市10年，將於本月二十二日舉行上市10周年酒會。由於10周年紀念係大日子，絲絲聽聞今年酒會嘅嘉賓反應異常熱烈，邀請卡一出，好多嘉賓都響應，到時場面肯定好熱鬧。
所謂「十年人事幾番新」，依家港交所主席、行政總裁都換上不同面孔，絲絲就好想知，新舊主席及總裁等喺當日會否聚首一堂慶祝？
現任港交所行政總裁李小加當日肯定會出現酒會，睇番港交所權益披露資料，尋日首次披露李小加已持有7.32萬股港交所，按港交所昨收市價118.1元計，股份總值864萬元。
呢批股份應該係港交所早前公布會撥出900萬元用作購股，以獎勵李小加，不過據知股份嘅授予期係有限制嘅，將會分兩次授予，每年可授予50%。
余絲韻