絲絲講場：爭與股神食飯有排Bid

捐慈善向窮人派餐

與股神食飯籌到嘅錢，一向都會捐畀股神第一任老婆生前支持嘅慈善團體Glide Foundation，呢間機構專門向無家可歸嘅人及窮人派餐。每位競投者想與巴菲特食飯都有唔同目的，有啲人想喺佢身上學嘢，增進投資造詣，或者攞吓料；有啲人就想藉此親近股神，又或見吓其他都想與股神食飯嘅人，把握機會開拓商機。

競投時間會持續一個星期，通常個價都喺最後階段先會爆升，去年最終成交價就達到168萬美元，不過就較○八年趙丹陽畀嘅211萬美元少20%，依家只Bid到幾萬蚊美金，相信個價仲有排上，○六年及○七年嘅價錢都超過60萬美元。

余絲韻