「港版周子瑜」Jeannie　揀男友要似C朗

「港版周子瑜」Jeannie昨日出席實惠一日店長活動，向現場及網上觀眾介紹新款電視。問到平日家中買家電時會否給意見？與家人同住的她說：「屋企人揀嘅，如果有機會搬出嚟住，一定自己揀番。（媽咪捨得畀你走咩？）女大女世界嘛，想自己享受一個人嘅浪漫！」問到在家可有分擔家務？她尷尬說：「一時時啦！哈哈！（搬出嚟乜都要自己做喎，搞唔掂點算？）搬出嚟自己做家務會變咗種樂趣，搞唔掂就請鐘點囉！」又指香港樓價太貴，短期目標是租樓自住。