傑志 東方龍獅 終極一戰

丹恩奴域絕不輕敵

要成功衞冕兼奪取球隊史上第11個頂級聯賽錦標，位踞榜首的傑志，今場只要不敗便能登上港超王者寶座。不過「藍鳥」總教練朱志光明言，絕不能抱「和波就得」的心態落場：「千祈唔好諗住和波，呢個諗法只會令球員最後15分鐘『唔識踢波』。」

今場贏波一方將直接封王，緊湊程度不亞於4季前的煞科戰，惟「朱Sir」賽前稱對今仗無太大感覺，更藉此嘗試替球員減壓：「輸咗畀理文同天水圍飛馬已經係減咗壓力，今場都係睇臨場發揮。」陣容上，左閘丹尼刑滿復出，除王振鵬因傷缺陣外，大部分主力已「抖足」精神，今仗均準備就緒。

僅花半季便登上射手榜首名的丹恩奴域則揚言，港超冠軍是他來港踢波的目標：「『亞冠盃』係之後嘅事，第一我要為傑志贏聯賽冠軍，然後取得來季亞洲賽入場券。」這位39歲沙場老將亦不敢輕視對手：「東方龍獅今季克服過無數次困難，我非常尊重佢哋，呢場絕對係一場硬仗，我哋要有爭勝嘅決心，相信隊友嘅能力。」

傑志翼鋒加維蘭	東方龍獅王牌費蘭度	東方龍獅前鋒辛祖、東方龍獅大將迪高

費蘭度倒戈沉着應戰

闊別頂級聯賽冠軍多年的東方龍獅，想再次染指錦標，今場必須要贏波全取3分。有感於球隊陣容長期不整，再加上緊密賽程，球隊總監兼主教練李志堅承認今季征途實屬不易：「最值得感激都係一班球員，今季我哋都未試過『夫添』嘅情況下比賽，大家嘅負荷都大咗。」

陣中傷兵艾華度未能趕及復操，至於上仗繼續有斬獲的費蘭度，近期則獲教練團「錫住用」，讓這位翼鋒可以保留體力。「堅Sir」希望球隊能夠抱着全力以赴的心態，去面對這次「一場定勝負」的終極對決，向老闆與球迷作交代：「大家都唔需要有保留，有刀用刀，有棍就用棍。」

4年前費蘭度曾代表傑志，在聯賽最後一戰與東方龍獅競逐冠軍寶座，同樣情況於今季重演，今場有望倒戈面對舊主的東方翼鋒亦感嘆道：「真係好刺激！」他形容自己現時狀態不俗，並認為今場東方需要踢得更聰明：「比賽當日天氣會好熱，我哋更加要畀啲耐性沉着應戰，全隊同心合力去爭勝。」