如果做人成日都諸般造作又惺惺作態，又真係幾令人討厭！不過，如果好似日本寫真界兩位Cosplay女王Enako同伊織萌咁可愛，就扮咩都唔會厭，依家一齊嚟睇吓佢哋兩個邊個優秀啲啦！
今年27歲嘅Enako，面上嘅可愛萌味依然濃到化不開，如果話佢仲未夠20歲應該都冇人會懷疑，加上佢生得細細粒，身材嬌小又婀娜，同時擁有一對睇頭十足嘅E奶，男人梗Like啦！
佢自細就鍾意動漫，喺2011年8月嘅「Comic Market 80」中，就變身成為電子遊戲《東方紅魔鄉》嘅帕秋莉諾雷姬登場，扮相神似又可愛，火速贏得動漫迷嘅關注。成為Cosplay界名人之後，佢更多次以過江龍身份去到中國演出，認真夠威水！另外，Enako會自資推出寫真集，為咗提升質素，更會親力親為添置服飾同道具，仲出錢請攝影師同租用拍攝場地添！除咗拍寫真，佢仲係聲優同歌手，早前就推出咗新曲《名探偵キミに告ぐ》嘅MV，當中繼續大玩Cosplay造型，兼發揮甜美聲線魅力，應該可以滿足晒寫真迷同動漫迷喇！
年齡：27歲
身高：5呎1吋
三圍：34E-24-34
伊織萌人如其名，又萌又可愛，而且仲帶有一種病態美，令男人好想將佢一抱入懷。身材方面，擁有一對分量十足嘅H奶，配合白滑嘅肌膚同富彈性嘅肉地，實在令人愛不釋手！
而萌妹都係喺Cosplay界成名之後殺入寫真界，而佢做Cosplayer可以話係為興趣，由細到大都好鍾意睇動漫作品，佢嘅電子書閱讀器中已經收藏咗超過2,000部漫畫同輕小說。另外，佢仲表示因為太鍾意動漫角色，所以好多時會親手製作Cosplay服飾，過程亦相當享受。除咗睇動漫，佢亦係一位資深遊戲機迷，最近仲多咗一個身份，就係做直播打機網紅，好多時着住貼身衣服，搞到上圍更加激凸，一眾機迷真係大飽眼福喇！
年齡：28歲
身高：5呎4吋
三圍：37H-23-35
Enako同伊織萌兩個都係當紅嘅Cosplayer，如果要鬥人氣真係難分高下，但係以社交網嘅追隨者人數嚟睇，咁就以Enako領先，人數多達130萬，而伊織萌則只有85萬。
屬於童顏巨乳嘅Enako，身材嬌小配上一對E奶相當吸引，但係從好多寫真照睇嚟，激凸嘅上圍好似夾硬谷出嚟咁！不過，伊織萌就唔同喇，上圍有H Cup咁勁，只係露少少就已經有震撼視覺嘅效果，所以論身材火辣，伊織萌真係贏晒！
Enako同伊織萌兩位都出晒名勤力又多工作，但係伊織萌近期開始直播打機之後，幾乎每星期都會直播至少5次，似乎比起Enako更積極增加曝光率。
兩位萌系妹嘅演出都充滿動漫感覺，可以話滿足晒鍾意睇美少女Cosplayer演出嘅觀眾，而我就鍾意伊織萌多啲，因為佢個樣同身材都比Enako更為吸引，單係一對H奶已經贏晒喇，講到底都係有奶便是娘嘛，所以我撐佢！
撰文：賢