現正懷孕中的湯怡，早前影大肚倒立相被網民批評呃Like，但她一於少理，連日繼續上載靚相，日前再上載一條着Bra Top及Leggings的短片，並留言：「食得健康，做適量運動，自然佗得輕鬆又開心，條腰係可以同BB共存，所以佗B唔一定會走樣！」
短片中她先背着鏡頭出現，背影零孕味，之後她轉身露出大肚，又扭腰非常風騷，展現燦爛笑容。不少網民讚她：「佗得超靚，個肚咁尖，肯定係B仔！」