黃奕晨台灣蒲吧 遭阿伯又咀又拮
藝人黃奕晨昨日出席活動，自爆想過中途轉「基」，亦試過於台灣酒吧被阿伯突襲強吻，更遭對方鬍鬚拮面，留下心理陰影！
黃奕晨（Dixon）、沈殷怡與阮小儀等昨日出席ViuTV節目《考有Feel》記者會，身為主持的Dixon透露節目組為求安心，加上拍攝時需除口罩，一眾藝人將每隔10日做1次檢測。
「即刻推開佢」
他透露稍後客串港版《大叔的愛》，劇情講述他與未婚妻因搵樓而發生爭執，問到現實中可想過中途轉「基」？他說：「有考慮過，之前喺台灣一間酒吧，被一個鬍鬚伯伯突襲，當時佢拍一拍我，點知一轉身佢就錫落我個嘴度，我梗係即刻推開佢，佢啲鬚真係好拮，搞到我之後留下陰影，雖然平時同啲朋友見面都有錫，但只係錫面多。」
沈殷怡懶理傳整容
擔任嘉賓的沈殷怡透露現時拍攝3個節目，其中一個是選美真人騷，將訪問醫學美容團隊。由於經常被指整容，她笑言可藉此為自己澄清：「佢哋好專業，一眼就睇得出係真定假。（驚被人話你整容？）未驚過，雖然好多人懷疑。」至於阮小儀對於商業電台有清潔員工初步確診新冠肺炎，她表示剛巧跟電台請假一星期，未有接觸該清潔員工，相信毋須隔離：「其實做呢個節目已經要檢測，亦知道今日電台嘅同事會一齊檢測，但我要開工，所以呢度幫我做私人檢測。」