王菀之陪父母打牌全程戴罩

王菀之（Ivana）、姜皓文（黑仔）、蔡潔與文雪兒等昨晚出席寰亞電影《阿索的故事》首映，Ivana稱很感動：「前幾日優先場謝票，見到喺疫情下大家戴住口罩去支持港產片好感動，希望為大家帶來正能量同歡樂。」至於會否擔心近日疫情嚴峻會影響電影上映？她坦言不會：「活在當下，今日有得上就珍惜今日嘅觀眾，明日有得上就珍惜明日嘅觀眾。」

問到有否為防疫而減少社交活動？Ivana表示就算到父母家也會戴口罩：「我有一家人打麻雀，我會戴口罩，因為我經常喺出面做嘢，食飯時唔會講咁多嘢，我入門口都要幾分鐘先通過，要全身消毒，好多支嘢放喺門口，佢哋好大陣仗。」

蔡潔作「反」怕被打

至於黑仔表示很期待電影上映，於片中飾反派的蔡潔則笑言怕觀眾看完後會打她！對於疫情反彈，黑仔前一晚也擔心首映搞不成，問到會否憂慮票房受拖累？他說：「冇得擔心，票房小事，安全同健康最重要！」另外，蔡潔最近為無綫劇集《拳王》開工，日前在觀塘拍外景時被市民鬧阻街，她指當日要拍攝一場攔車的戲份：「劇組都話下次會安排得好啲。至於有人話『行開啲啦！』同汽車響按，都係情節一部分。」