遭3猛男圍抱 何雁詩置身大人國
升呢做人妻的何雁詩聯同「巨聲幫」老友胡鴻鈞（Hubert）、吳業坤及馮允謙為MCP新都城中心拍攝聖誕AR遊戲互動短片，拍攝時4人鬥chok搶鏡，其中以Hubert最純熟，舉手投足chok到爆，其他人笑言睇到打冷震，Hubert大讚今次拍攝好好玩：「因為係互動短片，要幻想粉絲玩遊戲時會擺啲咩甫士同我互動，我先決定做咩動作，所以好有挑戰性。」
何雁詩就「投訴」拍大合照時，站在幾位比她高成個頭的男士旁邊，非常有壓迫感，她說：「玩到興起時佢哋仲擺出圍抱我嘅動作，我逼到抖唔到氣，但佢哋好開心囉！」拍攝完後，他們表示希望再相約前來與AR片中的自己互動一次。MCP新都城中心由昨日開始到明年初呈獻《大人國的5G聖誕派對》，將巨大聖誕老人帶到香港，讓大家極速下載AR照片與互動短片，率先體驗嶄新科技帶來的新奇樂趣，歡度佳節。