英國諧星沙查巴朗高漢（Sacha Baron Cohen）在新作《波叔出城2》（Borat2）狂寸美國總統特朗普（Donald Trump）及相關政客，其中更影射其私人律師、即前紐約市長朱利亞尼（Rudy Giuliani）對「未成年少女」作不軌行為。特朗普上周五被記者問到有否睇過朱利亞尼在片中的「表現」，他乘機批評沙查是怪人，完全唔好笑！
沙查之後於社交網反擊：「Donald，我感激你為波叔免費宣傳！我承認嘅，我亦唔覺你好笑，但係整個世界都嘲笑你。」並暗寸特朗普會在大選落敗：「我一直都搵緊啲人去飾演種族歧視丑角，而你喺1月20日之後會需要份工，不如我哋傾吓！」