理文先聲奪人

昨日「菁英盃」A組頭場上演「雙黃會」,理文展現強大火力,憑着亞哥斯達個人梅開二度,加上梁嘉恆及兩位U22小將張憙延、鄧匡延都有斬獲,最終以5比0擊敗天水圍飛馬,以漂亮勝仗迎接新季。圖/文:林卓臻

雖然最終戰果一面倒,但比賽初段天水圍飛馬形勢其實不俗,僅2分鐘孫銘謙右路發難,博得理文守將曾家進禁區內犯規,球證直指12碼點,可惜基斯操刀被陳嘉豪撲出,天水圍飛馬錯失先開紀錄良機。理文站穩陣腳後攻勢源源不絕,26分鐘梁嘉恆右路傳中,上季復賽期間加盟的小將張憙延,門前無人看管下輕鬆撞入,揭開入球騷序幕。29分鐘梁嘉恆左路突破劉學銘的防守,傳交亞哥斯達射成2比0。1分鐘後亞哥斯達又接應張憙延傳送,射入個人今仗第二球,理文拉開到3比0。39分鐘梁嘉恆單刀赴會,推過梁興傑送入空門。5分鐘後亞哥斯達轉為助攻角色,傳給鄧匡延推射得手,半場理文以5比0絕對優勢返更衣室。

換邊後理文收起射入1入球及貢獻兩次助攻的「濠江前鋒」梁嘉恆,進攻速度亦有所減慢。大比數落後的天水圍飛馬前場繼續靠孫銘謙單打獨鬥,可惜未能製造出太多具威脅埋門,最終理文鎖定5比0勝局,取得A組首場勝仗。

曾昭達:係有啲驚喜

理文教練曾昭達賽後坦承半場領先5球屬意料之外:「今日有啲新嘅年輕球員,又有啲之前踢得唔係好多嘅球員,例如曾錦濤,半場5比0對我哋嚟講係有啲驚喜。」由於飛馬主教練郭嘉諾仍在內地攻讀教練牌照課程尚未歸隊,教練文彼得賽後回答傳媒提問,坦言若非基斯早段射失12碼,球隊表現或不一樣。半場休息期間郭嘉諾透過視像會議,為球隊作出戰術調動後,下半場發揮已見改善,文彼得又承認球隊依然缺乏比賽狀態,希望下場變得更好。