天佑衛詩雅玩激情隨時剝衫
女星蔡卓妍（阿Sa）與組合Shine成員黃又南與徐天佑、衛詩雅（Michelle）及吳肇軒等，昨日到尖沙咀太空館拍攝新戲。Shine兩子與阿Sa相隔十六年再合作，不過天佑的拍檔換上Michelle，二人更會有激情戲，他說：「套戲係講80年代情懷，諗住會純真啲，點知後來加咗一場激情戲！導演仲問我使唔使操吓？講到好似隨時要除衫。」Michelle更指劇本沒有詳述激情戲內容：「據我經驗，通常寫得愈少愈勁！」
又南減肥胃痛
年初為演唱會變身肌男的又南則為新戲減磅，他說：「目標係115磅，不過冇可能，已經兩日冇食嘢，淨係飲齋啡，有出冇入，Feel到胃痛。」
而阿Sa早前到美國出席好姊妹鍾欣潼（阿嬌）婚禮，提到對方親手送上花球，她說：「意頭嚟啫！」又指一班好姊妹早已夾定，當時已覺得奇怪。她稱曾與阿嬌相約同遊百慕達，問是否被對方拋下獨遊？她笑說：「唔會，佢唔係咁嘅人。（結婚蜜月幾時去？）到時再算啦。」