湯洛雯有「婚」數叫馬國明咪玩玩吓

湯洛雯（靚湯）昨日在活動上獲老闆娘送上翡翠獨角獸及袖口鈕，表示後者將轉送男友馬國明，更指男友也曾送手鐲給她：「幾時送就係秘密，其實唔一定紀念日先送禮，佢平時聽到我鍾意嘅嘢，有時會偷偷哋買嚟畀我，幾細心。」

完成無綫劇集《一笑渡凡間》後休息了兩個月，靚湯透露趁機瘦身，但又冧爆笑指無論肥與瘦，馬國明也喜歡。對於近日被指閃婚，她斬釘截鐵表示：「唔會閃，我係有計劃嘅人，之前講唔排除閃婚係講笑，結婚涉及好多嘢，要畀父母知同買屋，暫時未有呢個打算，儲錢先。當然拍拖梗係有溝通過，佢都係結婚對象，我幾多歲呀？唔玩啦！亦都唔好搵我玩。」

自由出入男友大廈

談到馬國明有其屋苑住戶證，靚湯表示因屋企有後備卡，但強調男友沒有其屋企鎖匙，問到她可有對方家門匙？她笑說：「我冇佢屋企鎖匙，大廈密碼就有，如果咁都唔畀我就好過分。」提到父母大讚馬國明？她說：「佢哋點都會想我嘅對象可以有進步空間，但拍拖後我成日畀媽咪鬧，話我成日叫外賣畀男友食，所以呢排我多咗下廚囉！」