林夏薇捱車撞傷手麻痹無力

黃長興與黃百鳴兒子黃子桓合資的越南餐廳昨日開幕，一眾無綫劇集《金宵大廈》演員陳山聰、林夏薇、李施嬅等在餐廳舉行煞科宴。薇薇自爆日前撞車令左手受傷，她透露當日出席劇集《逆緣》的慶功宴後駕車回家，快到家時被另一架車撞到，左邊車身由副駕駛位到車尾被撞凹，當時即場報警，撞到她的女司機認為自己沒有錯，而薇薇老公亦第一時間趕到現場，左手受傷的她直言幸好是司機而非乘客，不然傷勢更為嚴重！

揚言追究對方

問到傷勢如何？她指意外後左邊身感到痛楚，食止痛藥後到醫院檢查：「要覆診，頭同頸都仲痛緊，好似嚴重咗，左邊都冇力同麻痹，拎起杯水都冇力，杯都跌落地！」又指警方正在調查，稍後再落口供，並會追究對方，目前不能駕車的她，由老公安排車接送。

山聰與施嬅被問可會想搞生意？山聰表示想過搞運動品牌生意，但過程太複雜。而施嬅則開設化妝學校兩年，忙於演藝事業的她現出錢讓拍檔搞。她又爆料指山聰愛買名牌，指對方曾用遊艇與她出海，山聰搞笑指遊艇是紙紮、借回來用。被指準備與女友Apple結婚的山聰，表示正努力儲錢，有好消息會公布。

李施嬅爆陳山聰愛買名牌，又坐遊艇出海。

黃長興與黃百鳴兒子黃子桓合資開餐廳。

長興子桓夾份開餐廳

另外，長興表示該舖位他已經營餐廳八年，為配合顧客而轉型：「因為香港人貪新鮮，覺得越式家庭化啲，希望嚟緊做多啲街坊生意。」更將廚房的爐具換掉及裝修。子桓則表示太太是長興老婆的表姐，故信任對方投資六位數字。