謝嘉怡遺失手機唔怕洩密照

出爐香港小姐冠、亞、季軍及友誼小姐得主謝嘉怡、陳楨怡、郭柏妍與鄺美璇昨日到中環出席電訊商領獎活動，謝嘉怡自認大頭蝦，間中會遺失電話，問到可擔心有私密相流出？她笑說：「電話有密碼嘛，同埋都冇影性感相，唔擔心。」她透露未知新的工作安排，但首要是學好廣東話，爸爸正為她找老師。
謝嘉怡全力留港發展，正物色老師教廣東話。
謝嘉怡全力留港發展，正物色老師教廣東話。

郭柏妍與陳楨怡指選美後多了用社交網，齊齊變成「低頭族」，郭柏妍說：「最初因為揀相耐，post一張相要用5、6個鐘，依家2、3個鐘就得，冇P圖，如果唔係要成日。」至於陳楨怡可有P圖習慣？她笑說：「試過張相影得下巴太瘦，反而P番肥啲。」她又表示不會檢查男友的電話，因不想自己的被檢查。

四位出爐港姐現身領獎活動。
  • 四位出爐港姐現身領獎活動。