亞姐傳遭叫停疑商標被註冊鬧雙胞
《2020亞洲小姐競選》將於年底舉行總決賽，除了香港賽區，還有大中華賽區面試選拔，今年更增設網上賽區，但昨日網上有消息指，亞姐競選因違規及涉嫌欺詐而暫停！據知全因內地方面鬧出「雙胞胎」事件。
事緣亞姐一直以來於內地與A公司合作，但對方在亞視不知情下於內地註冊「亞姐」商標，近幾年雙方一直合作，故沒有不快事發生。不過，亞視今年將製作權授予B公司，結果遭A公司指有「侵權」問題。
候選佳麗稱仍繼續綵排
今屆候選佳麗練樂儀昨日受訪時說：「冇聽到呢個消息！（會否擔心賽事受影響？）一切都係等公司通知。」第二次參選的馮熙淳聞言後非常愕然，並表示現階段仍在進行綵排，努力備戰︰「個選美比賽到目前為止都仲係繼續緊，其他嘢就唔清楚，一直都係等通知，係被動嘅角色。」前亞姐陳煒受訪時則說：「可能佢賣咗啲經營權畀內地公司，等佢哋辦比賽。大家只好當一個選美，唔好當係以前嘅亞洲小姐。」本報曾就此事向亞視查詢，但至截稿前仍未有回覆。另外，據知原定10月31日舉行的亞姐香港賽區決賽，因疫情關係而要延期。