《#娛樂Hashtag》蕊蕊擬帛琉過退休生活
女星陳蕊蕊最近應繽FUN星網炮製的全新節目Sakura Group特約：《#娛樂Hashtag》訪問，跟主持陳振安大談早年投資開辦美人魚學校。已考freediving及潛水牌的她，表示準備再考教練牌，但受疫情影響，今年或未能如願。
她透露當年因機緣巧合到訪帛琉，才接觸到美人魚這個運動，更想過將來到帛琉過退休生活：「好鍾意呢個地方，因為好靚，諗過將來考到牌去一個島或者岸邊開潛水店，得閒可以教吓潛水。」
自從與藝人金剛分手後，蕊蕊對感情變得低調，她說：「本身都唔鍾意公開，因為感情係好私人，我好怕交代，會覺得好攰。」又透露與一位男士發展中，但笑說：「將來真係結咗婚或者認定咗而畀人知道，咁我都會承認嘅。」