高海寧獲力捧連播四劇！
無綫因應全球同步播出，將劇集《唐人街》抽起延遲播映，本月21日起推出由高海寧（高Ling）、馬國明擔演的《C9特工》，近期高Ling已有四劇連續出街，備受公司看重！
無綫原定本月21日起晚上9時30分推出由陳展鵬、陳山聰及姚子羚主演的新劇《唐人街》，宣傳片亦已於前晚見街，不過無綫昨日突然變陣，改為播放由高Ling、馬國明主演的《C9特工》。
對於這項調動，無綫方面指節目調動是很平常的事，時有發生，今次安排主要是要配合全球同步播出。無綫此前已接連推出幾套由高Ling主演的劇集，包括《殺手》、《網絡騙案》及仍在播映的《反黑路人甲》，連同《C9特工》，她已連續有四套劇上映。
演不同角色擴闊戲路
對於節目安排變陣，高Ling昨日受訪時表示未收到公司正式通知，提到連播四套劇，似乎備受力捧，她說：「如果係真當然好開心，一切都等公司安排！好感恩今年有咁多作品畀觀眾睇到，呢幾年努力拍劇冇白費到，又幸好全部都係唔同人物性格嘅角色，係一個好機會，等大家睇到我可以詮釋唔同角色，唔想咁快被定型，想發掘更多可能性！」至於男主角馬國明受訪時表示：「都係等公司安排，希望觀眾鍾意我哋呢套小品類型嘅劇集。」
陳展鵬強調未退休
對於《唐》劇需配合全球同步播出而被調動播映時間，男主角陳展鵬受訪時笑說：「我都有年幾、兩年冇劇集播，好耐冇同家庭觀眾見面，大家會唔會以為我退休o架？其實我係活躍分子，呢排做緊音樂，亦籌備緊開另一套新劇。」他又表示已很久沒有陪女兒「小豬比」玩，待拍完《超能使者》就會盡快「修補」父女關係！