賴琦媛囂張自誇後生又靚
「寸嘴Ivy」賴琦媛在記者會上貫徹寸爆本色，自言年齡及樣貌均是其優勝之處，還自誇雙眼最靚，對外貌充滿信心，一副戰鬥格，不過卻被在場記者連番反問拋窒，令她相當冇癮。
有記者打趣說戴口罩後人人都是美女，Ivy表示：「戴口罩更加好。（年齡方面，18歲嘅謝恩靈細過你喎！）咁佢青春無敵，有更大發展空間。」她表示正努力搣脂，目前已減了11磅，問到目標是減多少？她說：「我唔係好注重體重，想操線條。（擔心之後特訓好忙，冇時間同精神操練？）時間係抽出嚟，做運動同休息都可以釋放壓力。（你依家好大壓力？）覺得將來會有囉！」
