未夠本錢娶余思霆 朱敏瀚：唔想佢辛苦
現年28歲的藝人朱敏瀚，中五畢業即加入無綫訓練班，入行10年，最近在劇集《迷網》中升呢「男二」，上位有望。與陳曉華（Hera）飾演情侶的他，坦言跟新人拍親熱戲有難度，亦比較尷尬：「都係蜻蜓點水，我畀咗套劇Hera參考，我覺得對新演員唔應該係你叫佢點做，而係有商有量，大家先會拍得舒服。」問升呢「男二」會否有吐氣揚眉之感？他表示沒有：「接拍時公司冇講排位，無論戲份多少，我都盡力做好。」
朱敏瀚多年前曾被派去做《都市閒情》主持，心情跌落谷底，但卻是收入最多的時期，由於愛演戲，後來主動要求返回劇組。他慶幸沒有經濟壓力，但慚愧未能定期給家人家用，反過來要媽咪補貼：「我最大願望係有日可以養到父母，亦多謝哥哥願意繼承爸爸嘅事業去做航運。」
拍咀戲先備案
談及與華姐女友余思霆感情穩定，他坦言以結婚為目標：「有傾過幾時結婚，但覺得做好工作先，因為唔想佢辛苦。」至於拍親熱戲可要跟女友備案？他笑說：「我有問過佢，佢話同佢講咗先，所以我會照講。大家都明白係工作，所以OK，我覺得最重要係信任，大家都好乖，唔會曳曳！」
