Brian參加《超級巨聲2》而加入無綫，唱過兩首電視劇主題曲，近年以拍劇為主。他與王浩信的星途有點相似，都是由歌手做起，外形官仔骨骨，做過N次有錢仔角色，Brian對此笑說：「如果我真係有錢仔就好啦！（拍到悶？）唔會嘅，有錢仔都有唔同元素，但都唔想再做。（想唔想似浩信？）每個人都有唔同路線，之前有人話我似張振朗，不過我型過張振朗好多，哈哈！」
Brian在最近熱播的劇集《殺手》中亦是演富二代，與麥明詩有感情線，被網民讚匹配，他笑說：「咁多個角色中，我係畀人打得最多嘅一個。呢套劇變化好大，係我入行以嚟最鍾意嘅角色，之後有場打戲都好鍾意，角色性格會180度轉變，我鍾意演呢啲真實角色，好有起伏！」