亂入暖男屋企 糖妹破Dry？
繽FUN星網王牌節目「繽FUN主播室」，今集有糖妹（黃山怡）甜爆登場擔任星級主播。人細膽大嘅佢，入水能潛，迷上潛水深入海洋；出水能唱，斗膽挑機莫文蔚首洗腦歌，家陣佢踩入嚟「繽FUN主播室」，話要向主播Sherman下戰書，一口氣讀晒成249字嘅資訊性新聞稿，零主播經驗嘅佢，到底可唔可以順利過關呢？
人見人愛嘅佢，親教上鏡1秒瘦面法，即學即用，最緊要係免費，不過得到甜頭嘅Sherman冇放過糖妹，堅持要佢「交料」，喺訪問度問唔係無綫親生女嘅佢，點解會有咁多劇拍，係乜原因令佢咁得寵？仲有，長期單身嘅佢，自爆亂入心目中嘅暖男屋企做「特種家傭」，唔通糖妹破Dry？想同糖妹講聲「真係恭喜你！」就記得今晚準時8點收睇「繽FUN主播室」喇！