洪永城幻想自娛 驚嚇走女友
藝人洪永城（Tony）、鄧卓殷（Amber）及鄧佩儀等昨日出席明珠台節目《絕色星期二：野性超感官》記者會，對於近日新冠肺炎疫情趨嚴重，Tony表示原定年底出埠拍攝旅遊特輯，走訪多個國家講述疫情前後的社會，無奈按照現時情況，相信起行成數很低：「呢段時間只能自娛，上網Load住個無人海灘，望住個Mon幻想，當飛咗去外地。（同女友一齊幻想？）梗係冇，我自己計劃啫，可能佢見到我咁，要重新評估呢個男朋友，係咪需要暫時分開吓添！」
而Amber對於男友郭子豪公開戀情，坦言當日獲悉也感突然，但亦感甜蜜：「其實佢要咁公開講感情生活係需要好大勇氣，以前都覺得如果畀人影到就公開，訪問入面佢講感謝我嘅說話，係Sweet嘅。（地下情咗幾耐？）都一段時間，依家公開咗就唔需要再避忌，冇咁大壓力。」