《聲夢》參賽者每位200萬訓練費 胡鴻鈞：我都想參加多次！
停辦多年的無綫歌唱選秀比賽，昨日宣布復辦，節目命名為《聲夢傳奇》，將作全球招募，每位參賽者獲200萬訓練費，難怪胡鴻鈞笑言想再次參加，戴祖儀則慶幸當年獲老闆何哲圖賞識入行，目前歌、視兩線發展。
一眾星夢歌手胡鴻鈞、戴祖儀、譚嘉儀、林穎彤及伍富橋等昨日出席《聲夢傳奇》記者會，席間分享參加歌唱比賽的心得。無綫助理總經理（非戲劇製作）余詠珊透露，今次比賽有別於過往，望能吸納唱歌好聽的人士參加，參賽者只需30歲或以下就可報名：「唔一定係新人，其實香港都有好多好歌星，只係未認真Train Up成為有影響力嘅全能藝人，所以我保證嚟嘅每位參賽者有約200萬訓練費用，等疫情轉好，會送佢哋去台灣、韓國、美國、歐洲等學嘢。」
戴祖儀獲賞識感幸運
胡鴻鈞聞言即說：「我都想參加多次，我都想隨團同啲參賽者到韓國、美國等訓練地方做旁聽生。」戴祖儀則透露當年畢業後上載唱歌片段到網上平台，結果獲老闆何哲圖賞識，及後更於父母陪同下到公司面試，結果成功過關出道，大感幸運。
至於「情侶檔」林穎彤及伍富橋就同聲表示會推薦身邊朋友參加，林穎彤更笑指比賽可以激發鬥志，故建議伍富橋再次參加！