與Zpecial合唱啱嘴形 Cheronna惹醋男內訌

自言性格男仔頭的Cheronna不怕被蝦。

女團Super Girls出身的Cheronna與男子樂隊Zpecial合唱《我的片單》，大呼好玩，性格男仔頭的她，早前相約四子做Gym兼打拳。視Cheronna為偶像的煒賢本身是健身教練，與隊友康聰對打時，Cheronna搞笑地大叫：「你哋唔好為咗我打啦！」而結他手Mike和低音結他手Tatming則在旁「食花生」。

其後康聰扮拳打Cheronna，笑言第一次打女人，感覺良好，Cheronna說：「同佢哋講嘢幾好玩，溝通到，都係傻吓傻吓，感覺大家似朋友。蝦我？佢哋邊夠膽呀！（錫住你？）有呀！煒賢話幫我攞袋呀！我唔舒服，佢提議幫我攞。」談及首度與女仔合作，康聰說：「佢會表現啲男仔冇嘅嘢，拍MV嘅動作語言表情好值得學習。」

分手要狠

Cheronna自言錄歌過程用了另一把聲，以配合康聰：「跟佢個Flow、呼吸去唱，大家一齊去訴說回憶，唱法意境唔同。」歌中的情侶會將影音串流平台互相分享，問他們若甩拖會否保留？除煒賢外，眾人都揚言會狠狠地刪除，康聰說：「我好決絕，決定分手就冇得掹！（決絕分手幾次？）又唔係好絕，一次囉！」

Cheronna當正康聰係沙包，夠晒Man！

Cheronna與樂隊Zpecial似朋友咁啱Key。